Frágreiðingar
Hvørja støðu hava føroyingar til javnstøðu millum kvinnur og menn í Føroyum? (2011)
Granskingardepilin fyri Samfelagsmenning hevur gjørt hesa frágreiðing, sum byggir á eina spurnakanning millum 655 føroyingar (november-desember 2011).
Í kanningini verður m.a. komið inn á javnstøðu millum kynini í sambandi við heimið, arbeiðsmarknaðin, nevndir og leiðslu, lønarviðurskifti, pensjón, býti av barsilsfarloyvi, politikk og útbúgvingarskipan. Haraftrat verður spurt, um myndugleikar eiga at lóggeva og seta tiltøk í verk fyri at betra um javnstøðuna.
Kannngin vísir m.a., at meirilutin av føroyingum er ímóti at lóggeva um javnstøðu. 39% av monnunum og 17% av kvinnunum halda ikki javnstøðu vera nakran trupulleika í Føroyum. Sambært kvinnunum er lønarmunurin millum kynini, lága kvinnuumboðanin í nevndum og ovastu leiðslu í vinnulívinum og í politikki størstu javnstøðutrupulleikarnir. Hvørki menn ella kvinnur halda tað vera ein stórvegis javnstøðutrupulleika, at menn ikki verða útbúnir eins nógv og kvinnur.
Fortíðarinnar hetjur í andróðri. Maskulinitetur og samleiki hjá ungum monnum í Føroyum (2010)
Grein eftir Firouz Gaini frá september 2010. Í greinini greiðir høvundurin frá, hví siðbundnu fyrimyndir mansins viðvíkjandi maskuliniteti í stóran mun missa virði og verða avloyst av nýggjum mansfyrimyndum í nútíðarsamfelagnum.
Javnstøðunevndin hevur umbiðið greinina frá høvundanum.
NIKK-Magasin um javnstøðu í Føroyum, Grønlandi og Íslandi (2010)
Í blaðnum eru tvær greinar um Føroyar. Onnur er um maskulinitet, s.12 (Firouz Gaini), og hin er um Danmark sum koloniveldi ella samstarvspartnara, s. 26 (Anne-Mette kalusen)
Løn og kynsbýtið á almenna arbeiðsmarknaðinum - ein perspektivering (2009)
Granskingardepilin fyri Samfelagsmenning (Martha H. Mýri) hevur gjørt eina perspektivering av løn og kynsbýti á almenna arbeiðsmarknaðinum fyri Javnstøðunevndina. Perspektiveringin byggir m.a. á lønarkanning, sum Hagstovan gjørdi fyri Javnstøðunevndina í 2009.
Kyn og vald í Norðurlondum (2009)
Frágreiðing um kyn og vald í politikki og í vinnulívinum í Norðurlondum. Tað er Karin Jóhanna Leitisstein Knudsen, sum hevur staðið fyri føroyska partinum av frágreiðingini. Føroyski parturin er á s.321 til 340.
Greinir
Forhindringer i ydersporet - grein eftir Jákup Magnussen 2008
Grein um kvinnuliga luttøku í politikki í Analys Norden.
Erfaringer fra kvindelisterne i færoysk politik (2006)
Beinta í Jákupsstovu og Bjørg Jacobsen hava skrivað grein í NIKK-tíðarritinum nr. 1/2006 s. 15 um royndir frá kvinnulistunum í Vestmanna og á Tvøroyri.